LSPAA

新宿舊生會周不時都會舉辦各類型嘅康體活動比老鬼們參加，務求大家出左黎做野之後仍然可以做到健身健心嘅。係2017年7月，一班新宿嘅陽光男孩女孩就捉緊端午節嘅尾巴，一齊去左香港仔避風塘體驗下龍舟呢項運動！

​

係教練嘅悉心指導下，一班毫無扒龍舟經驗嘅老鬼好快就上手。雖然扒龍舟嗰陣天氣反常時晴時雨，但係一啲都無影響大家嘅心情，反而有少少雨打落黎扒得更爽更放更起勁！正所謂其實落雨又有乜好怕喎，借錢梗要還，勿摸活家禽。最後大家上番岸之後仲一齊dem左個殺氣beat，震懾左本身係來自港大嘅三位龍舟教練添！

​

有份出席嘅老鬼事後不約而同表示龍舟呢樣嘢真係唔扒唔知咁好，紛紛希望舊生會可以添食再搞多幾次。大家嘅聲音我地係聽到嘅，期待下次同你坐埋一條船！